![मकर मकर](http://www.nepalihoroscope.com/images/Sign/BigCapricorn.jpg)
२०६६ साल » चैत्र महिना » मकर राशी
जो जा जी खी खू खे खो गा गी
यस महिनामा सूर्यले तपाईको जन्मराशिको आठौँ स्थानको भ्रमण गर्दै हुनाले तपाईलाइ संकट पर्न सक्ला । पीडाको पनि सामना गर्नुपर्ला र राज्य भय होला । कलह होला । मानसिक चिन्ता पर्ला । व्यवसायमा सन्तोषजनक लाभ नहोला । काममा त लम्पट लागेर भिड्नु होला । ज्यादा परिश्रमले सफलता मिल्ला । प्रयाप्त धन प्राप्त हुन नसक्ला । चोर, डाँकु र ठगबाट सावधान रहनुपर्नेछ । व्यवसायमा सफलता सामान्य होला। गुप्त रोगले बाधा गर्न सक्ला ।मंगल ग्रह तपाईको जन्मराशिको नवौँ स्थानमा भ्रमण गर्दै हुनाले तपाईलाई कामकाजमा पीडा ठक्कर आदि पर्न सक्ला । विपक्षबाट हार खानुपर्ला । धनको नाश होला । शरिर निर्बल रहला । गर्मी लाग्नाले स्वास्थ्य खराब होला । रोजगारीको स्थानबाट हट्नुपर्ला ।बुध ग्रह ७ गतेबाट नवौँ स्थानमा जानाले तपाईलाइ विध्नवाधा पर्ला । आफन्तले सक्दो मात्रामा सहयोग गर्लान् । अर्काबाट उत्पीडन सहनुपर्ला । कु अन्नको भोजन हुन सक्ला । पित्तबाट पीडा होला । सारा अंग दुख्ला ।शुक्रको स्थान आठौँ हुनाले धन सम्पत्तिको लाभ होला । दुःख नाश होला । ९ गते पछाडि नवौँ हुनाले शुक्रका तर्फबाट सुखको प्राप्ति होला । वस्त्र, अलंकारको लाभ होला । स्वास्थ्यमा सुधार आउला। धर्मकर्ममा रुचि आउला । सामान्य काममा सफलता मिल्ला ।यस महिनामा तपाईका लागि शुक्र मात्रै शुभ र अरु ग्रह अशुभ भएकाले यस महिनामा अशुभ नै बढी होला । धर्मकर्ममा बाधा पर्नेछ । इष्टमित्रमा कलह होला । भाइहरुमा विवाद पर्न सक्ला । खर्चको भारले मन दुःखित होला ।