मकर राशिका व्यक्तिको प्रेमक्षेत्र त्यति सफल छैन । तर प्रेमतृष्णा हृदयबाट उत्पन्न हुन्छ । आफूले अति चाहना गर्दा पनि प्रेमीजीवन बिमुख हुनुको कारणबाट वैराग्य लिने जस्तो पनि हुन्छन् । प्रेम वियोगले गर्दा यिनीहरुको जीवनमा विभिन्न परिवर्तन हुन सक्छ । प्रेम भावनाबाट पपूर्ण विश्वास खोलिदिन्छन् । प्रेमिकाले त्यसको कदर नगरे जीवन गम्भीर हुन पुग्छ । विवाहपछि स्त्री पुरुषको दृढ प्रेम भए तापनि केही न केही खटपट भइरहन्छ । जीवनमा दुइमा आपसी उताउता आन्तरिक व्यवसायले विचार बदलिने, समाजमा जस्ताको त्यस्तै देखिने, मनको कुरा कसैप्रति व्यक्त नगर्ने, बानीले आन्तरिक वेदनाले जलन सहेर बस्नुपर्ने हुन्छ । प्रेम वियोग पुरुषलाई भन्दा स्त्रीलाई नै धेरै पर्नेछ । कन्या, मेष र कर्कट सँगक प्रेम सम्बन्ध कठिन हुनेछ भने अरु सँग सामान्य नै रहने छ ।
पुष महिनामा तपाईंलाई मिश्रित फल मिल्नेछ । बोलीको विशेष ख्याल गर्नुपर्ने देखिन्छ । शरीरमा स्फूर्ति र उमङ्गमा कमी आउनेछ । स्वास्थ्यमा पनि प्रतिकूलता रहनसक्ने देखिन्छ । १५ गतेबाट दानपुण्यका कार्यमा सहभागी भइनेछ । नोकरी गर्नेले मानसम्मान पाउनेछन् । चलाखीपूर्ण बोलीले सङ्कल्प सिद्ध हुनेछ । ठीक समयमा सही निर्णय लिन सकिनेछ । यो महिनाको लागि शुभ अङ्क १,२ र शुभ रङ्ग हल्का पहेँलो वा रातो हो । कुनै शुभकर्म गर्नु पूर्व वा यात्रामा जानु अघि महाकालीको ध्यान गरि कार्य आरम्भ गर्दा अधिक सफलता मिल्नेछ ।
Comments
Post a Comment